بقلم : أ.د.نادية حجازى نعمان
القصة كانت صد رد
حاولت تمشي ماتلاقى سند
والأمر يصعب ويشتد
وأنت مش أد
حاولت تكمل تلاقى سد
أدامك حل واحد بجد
ممكن لكل الأمر وأد
بس عايز واحد أسد
ماعندوش حس ولا جسد
حتقول إيه القصد
ما أديلكش وعد
أحكى لك قصة فرد
تحتاج من الزمن فقد
سنين عشان تتحكى وتتسرد
طيب من غير جذب وشد
هو فرد حلم بالسعد
ووصله بعد طول جهد
وضنا وسهد
والآخر لقى ف الطريق سد
عالى مايتهد
وبقى الرجوع لابد
والحيلة ماباليد
محتاج مع النفس عند
لأنه ف النهاية عبد