من القلب للقلب .. Love ودوران

بقلم / أمل الوكيل

الراجل المحترم ابن الاصول المتربي ميحاولش يقرب من ست متجوزه ويدخلها في سكة الاهتمام والحنيه والسهوكه و …، عشان لو الست دي كانت ضعيفه او عندها مشاكل اسرية وزوجيه ومصدتكش ومشيت فى السكه دي فانت ممكن جدا بتصرفاتك المراهقه دي تخرب بيتها وتهد حياتها وتبهدل عيالها .

فاسترجل كده واتقي الله واوعى تقرب واحترم الراجل اللي هى متجوزاه وشايله إسمه حتى لو هي محترمتوش ، احترمه انت عشان داين تدان وكل اللي هتعمله انهارده هيتردلك بكره ، وإذا كنت مقتدر ممكن تتزوج عندك الدنيا مفتوحه علي آخرها المهم العدل ” واتقوا الله ”  .

واللي مش عارفه تصون الزوج اللى ربنا انعم عليها بيه فتفتكر كويس ان ربنا محلل الطلاق ، لكن مش محلل ابدا الخيانه والظلم وتشريد الأسره ؟؟

معلش الكلام صعب شويتين بس فعلا والله حرفيا

بقينا فى مصايب ” الا من رحم ربي