فاكرينها كوسه… !!
بقلم/خالد طلب عجلان
فاكرينها كوسه وهيصه..لأ خلاص بقى كل شيء محسوب.. وكل شيئ مدروس وكل حاجة بنظام.
عايز تبني بيت على الأرض الزراعية .. المحليات بتنفذ التعليمات وممنوع ..ولا في رشاوي ولاتبني بالليل ولاشغل من تحت الترابيزة ،،ولا وسطة ولا محسوبية..صحي الضمير خلاص
عايز تسرق في العيش ووزن الرغيف وتمص دم الفقير ،،ليه هي كوسة في مراقب وعلى المراقب رقيب وكله بيفتش كله..عفوا آقصد كله بيفتش على كله.
هي مش كوسه ..شكوتك محل الإهتمام والنظر ..وإن كنت مظلوم هننصفك وهتنتصر.
بقال التموين بتاخد حقك وزيادة.. حتى جرب تشتكي هتلاقي نفسك غلطان ..حقك بتاخده وزيادة ده غير القهوه السادة والزياده اللي بتشربها ولسه ياما هتشرب.
عداد النور بقى مسبوق الدفع ..لا في شريحة أولى ولا ثانيه ..ومش مشكلة لو فصل النور بعد كام ساعة وثانيه.. حقك وحقي ..هي مش كوسة .
آجرك في الفاعل 150 جنيه ..وأجري وانا في التكييف زيهم مرتين.. واجري مهما تجري،،هي مش كوسه
بس بصراحة هي مش كوسه .. بس عطي نفسك قبل النوم .
