كلام ستات وشوية تكات
كتبت / عزه السيد
كلام جميل ومفيد
_لما تقدمي التفاح لأولادك او لضيوف عندك قوريه بالمقوار وهتشيلي القلب بسهوله وهيكون شكلها ظريف ويفتح النفس.
وكمان الخيار حطيه في علبه بلاستك ورصيه جمب بعض وكل طبقه والتانيه بينهم مناديل هتحافط عليه بالشهر ف التلاجة وادعيلي
– تعرفى انك لما تيجى تعملى معجنات وتضيفى للدقيق بيكنج بودر مع الخميرة العجينة هتبقى احلى وهتعلى اكتر
– وانتى بتعملى معجنات حطى معلقة خل على الدقيق هيخلى العجينة هشة معاكى (ومش بعيد مايصدقوش اصلا انك انتى اللى عملاها وتاني يوم بتبقي طريه أوي ومش بتبرول
– لو عايزة تعملى كيكة برتقال ومفيش برتقال حطى معلقة عصير تانج برتقال مع كوب لبن وهيبقى عندك عصير برتقال
– لو عندك اكلة محتاجة كريمة وملقتيش دوبى معلقتين زبدة مع لبن كامل الدسم واستخدميهم وهيبقى عندك كريمة طبيعى
– لو عايزة اكلك خفيف شوحى البصلة على النار من غير زيت او سمنة بس وطى النار والبصلة هتنزل ميتها وتستوى فيها وبهريها على النار وانزلى بالطماطم وكلى احلى تسبيكة من غير دهون
– لو الطاسه سخنت أوي متنزليش بالسمنه انزلي بالبصل الأول وبعد كده السمنه عشان متتحرقش منك
– متحطيش عصير الليمون علي الجمبري المقلي عشان الدقيق ميقعش من عليه جربي وادعيلي
– لو درج الثلاجة مليان حطى الخضار فى الازايز اليلاستيك ومعاها ملعقة أستانلس هتمتص الرطوبة والخضار هيقعد شهر فى الثلاجة من غير ما يبوظ
