انطلاق برنامج “قادة مدارس الجمهورية” بمحافظة القليوبية
متابعة نجوي رجب
مع طلاب وطالبات محافظة القليوبية بنكمل مرحلة التدريبات المتعمقة في برنامج “قادة مدارس الجمهورية”، اللي هدفها تجهيزهم كقادة قادرين يديروا مبادراتهم بثقة، ويحققوا تأثير حقيقي في مدارسهم.
تم تدريبهم على أنماط القيادة، واللي من خلالها اكتشفوا ميولهم القيادية، واتعلموا إزاي يختاروا الأسلوب اللي يناسب شخصياتهم وطبيعة الفريق اللي بيشتغلوا معاه، النقاش كان مفتوح، والتجارب الشخصية كانت جزء أساسي في التدريب…وده اللي خلاهم يعرفوا إن القيادة بيبدأ من فهم نفسه الأول.
وكمان اتدربوا على التسويق للمبادرات، واللي فهموا من خلاله إزاي يعرفوا الناس بأفكارهم بطريقة جذابة ومقنعة، وإزاي يوصلوا صوتهم داخل المدرسة وخارجها.
برنامج #قادة_مدارس_الجمهورية أول وأكبر برنامج لدعم اتحاد طلاب وطالبات مدارس مصر، البرنامج بتنفيذ مؤسسة شباب القادة وبالشراكة مع يونيسف وتحت رعاية وزارة التضامن الاجتماعي، ووزارة التربية والتعليم والتعليم الفني، والمجلس القومي للطفولة والأمومة، والمجلس القومي للمرأة، وتحت مظلة المجموعة الوزارية للتنمية البشرية، في إطار برنامج تمكين المرأة المصرية بتمويل من الاتحاد الأوروبي.
