اختاروا صح
بقلم / أمل الوكيل
وأنت بتتمشى في الحياة كدا وعمال تعد وتعدي السنيين، افتكر كويس تختار محيطك كويس اوي، البيئة و الناس يا إخواتى
لأنُّه مع الوقت بتختلط الألسن ببعضيها، تاخد من كلامه وياخد من كلامك، نبرة الصوت وطريقة التعبير والضحك وحتى الزعل والغضب والحزن بيختلطوا ببعض وكأنكوا واحد.
هـَ تتقاسموا الأحلام، ومواضيع النقاش، وحتى الذوق .. عارف أنتَ، الحكاية مش أنك دايمًا تعتزل ما يؤذيك، أحياناً الأفضل لو تتخير اللي ينفعك.
خليك فاكر وحط بين عينك ان أنت نِتاج كل الظروف اللي آمنت إنها مش هَـ تمر ومرت، كل الآلام اللي فكرت إنك مش هَـ تتجاوزها وعدت، كل العواصف اللي فكرت إنك مش هتنجوا منها .. لكن روحك نجت. أنت نتيجة للتجارب اللي عديتها، وللمحيط والأشخاص اللي انت لافف نفسك بيهم.
في النهاية .. خليك فاكر الكلمة ده
“بعض الكسور جسور .. نحو مكان أفضل”.
قوم روح المكان الأفضل.وخليك فاكر. انك تختار صح
