سباعية هاشمية .. وشوف الفرح  بين اتنين 

شعر / على هاشم عنان 

*وشوف الفرح ، بين اتنين

غزال هادى ، ووش بشوش

*وشوف الضحك عالخدين

أمان صافى ومش منقوش

*غزال نايم مابين دراعين

على راحته ،،،، ولا يهموش

*ومهما تشوف سمار الخد

بياض قلبه، مافهش رتوش

*يبان فى سنانه، ماله حد

وفى ضحكة، غزل لرموش

*ومحلى الصحبة لما تكون

شعور طاهر بيملى وشوش

*تلاقى الحب يملى الكون

شعور عفوى ،ولا نصدوش

د. على ابوهاشم عنان

إعلامي ومترجم وشاعر