سيناء 2018
صدر القرار،،طلع البيان
وراه بيان،،حدد مهام
جاهز ياافندم،،ضربة معلم
كله تمام،،والكل واقف
سلام سلاح،،تعظيم سلام
لجيش بلدنا،،حامي حمانا
حامل راياتنا،،درع وسيف
حارس حدودنا،،هازم عدانا
رافع رءوسنا،،طول هاماتنا
ناصر بلدنا
من نصر قادش ،،ليوم عبورنا
خرج الجنود،،قوة وعزيمة
وارادة صلبة ،،زي الأسود
خرج الجنود ،،درع فولاذي
فل الحديد،،
يحموا العرين
ويطهروا تراب الوطن
من كل ارهابي جبان
من كل جرذان الجحور
من كل خائن أو شيطان
ناوي يقرب من الحدود
في شرق مصر وغربها وفِي سينا
يحموا مياهها وأرضها وسماها
في شمالها حارسين بحرها
وجنوبها حاميين نهرها
مواجهة شاملة،،في كل جبهة
حرب ومطاردة،،بشائرها لاحت
رسائلها وصلت،،للكل راحت
خير الأجناد،،قالوها كلمة
عهد وقسم
مفيش مهادنة ولامساومة
ولا بديل عن الانتصار
حق الشهيد لازم يعود
وسلام بلدنا يرجع يسود
ويأمن الجيش الحدود
ولمصر يهدي نصره الجديد
وتكون شهادة من القريب ومن البعيد
ان الكنانة سالمة اكيد
وان جيشها بأسه شديد
وان مصر أمن وامان
حافظها دايما رب الوجود
