غموض حول مستشفى 57357
بقلم : أمل الوكيل
تحاط مستشفى 57357 بغموض يشغل الرأى العام فهى تخفى من الاسرار الخطيرة متنكرة بمظهر انيق وطعام جيد وكثرة مبانى بحيث يتوه كل من يبحث عن الحقيقة ، والسؤال هو اين كل هذه التبرعات ؟!!.
تعالوا نحسبها كده حسب ميزانية 2017 للمستشفى ،التبرعات مليار جنيه سنويا، 136 مليون جنيه اعلانات شوية شوية يشحتوا لقمتنا !!!، رواتب 28مليون جنيه تقريبا يعنى غلبوا كوبر ف العقد بتاعه ، والوقفة هنا هما برضوا بتوع الجمعيات الخيرية مش بياخدوا مرتبات رمزية علشان بيشتغلوا لله .!!
تعالوا بقى للعلاج بها 200 سرير بيتصرف على علاج المرضى فيهم 164 مليون مع العلم انه لايقبل الطفل الذى تم علاجه فى مكان اخر او الطفل اللى تكون حالته متاخرة وبيقولوا طبعا غير كده فى الاعلانات اما الغموض الاكبر حول الشخصيات التى تحتل كل مناصبها مثل الدكتور شريف ابو النجا وعائلته فهو يشغل منصب مدير عام وعضو مجلس الامناء حتى جمعية اصدقاء المبادرة القومية للسرطان لم تخلو من وجوده كانه الرجل الحديدى !!وزوجته الدكتورة منال زمزم التى سيطرت على اكاديمية العلوم الطبية .ويزيدنا حيرة عدد الشخصيات المهمة التي استقالت من مناصبهم بعد ان عملوا فترة بها,
تساؤلات كثيرة حول هذه المستشفى وكله من دم الشعب وياريت فى الاخر اطفالنا بتتعالج لا طبعا لان نسبة الوفيات هناك كبيرة جدا ولكن الذكاء اللى استغل اصعب مرض لجمع التبرعات كنا بنسمع مؤخرا عن مافيا تجارة الاعضاء ودلوقتى بقولكم احنا بقينا فى مافيا الجمعيات الخيرية واللعب بقلوب وعقول الشعب المطحون.
