من القلب للقلب .. سراب الحب

بقلم / أمل الوكيل 

عارف السراب ، اللى هو تكون شايف حاجه معينه واول ما تقرب منها تلاقيها وهم وملهاش اى وجود .

فيه اشخاص فى حياتنا بتكون سراب .. بتشوف فيها حاجات كتير جميله وصفات رائعه وشخصيه هايله؟

واول ما تقرب منهم وتشوفهم عن قرب وتشوف مواقفهم وشخصيتهم الحقيقيه بتعرف انهم كانوا سراب وشىء ملوش اى وجود من الاساس .

المشكله انك لما بتعرف حقيقة الناس اللى كنت بتحبهم ، بتعيش دور المجروح والضحيه وبتلوم عليهم وعلى كل حاجه إلا نفسك ، رغم ان انت السبب الرئيسى في اللي وصلت له.

حبك للناس بيعميك عن حقيقتهم ، بيخليك تشوف بقلبك ،  بيخليك تلتمس اعذار وهميه عشان متزعلش منهم ، بيخلى على عينك غشاوه ماتشوفش ابداً الحقيقه ..

#الحب_بيعمى

لما تحبوا اوى سيبوا مساحه للعقل انه يفكر مش كله قلب بس ، عشان مترجعوش تزعلوا لما تنخدعوا بقى