خلينا ورا اللي فيه أمل

بقلم / أ.د. نادية حجازي نعمان

بلاش تحاول حد يتعدل علشانك
ماحدش حييجي على نفسه لكيانك
العوج عوج وهو مش بيسمع بودانك
حتعدل مين !!!حيفضل الحال مضروب
قالوا مش بيتعدل ولو حطوا قالب طوب
خد بالك من نفسك ياغالي
ولما يأذيك حر الشموس
قل لها ف السكة الليالي
ولو آذاك برد الليالي
قل لها الشموس جاية لي
قل لهم معايا آمالي
مش بيأس وعمر الشؤم ماجالي
وشدوا حيلكم أدام جبالي
جبال الأمل المعقودة جوايا بحبالي
حبال التفاؤل والرضا وطولة بالي
قول لهم عدوا من أدامي طوالي

29/7/2021