الفن والثقافة
رسالة من مصر .. شعر : عبد التواب الرفاعي
بلغوهم مني كلمة
سمعوهم لحن غنوة
فهموهم معنى جملة
يعني ايه معنى الوطن
يعني كيف الانتماء
و اللي مقصود م الوفاء
و إن شمة ريح وطنا
تسوى ييجي ألف حاجة
من هنا لفوق في السماء
بلغوا تلك الرسالة
للبشر الأغبياء
فهموهم المؤامرة
و اشرحولهم
اللي مقصود م الغلاء
حرب مم
حرب قوت
حرب دم
حرب موت
كلبشوها بالمؤامرة
بس لما تبقى امرة
كل شيء يصبح مجاب
اللي عايز بلده شامخة
رافعة راسها ف العلاء
اللي نفسه تلقى قوتها
و تنتهي من ألف داء
اللي شايف مصر بكره
كلها عزة و رخاء
ينزل الشغل ويشقى
لجل عزة و كبرياء
مصر يا بني عالية جدا
في العلالي ف السماء
ما اللي حافظ البلد دي
ربنا من كل داء
قوموا صلوا و ادعوا ليها
هذا بالله رجاء
مصر محتاجة المحبة
مصر محتاجة الدعاء
