ليه ..

ليه علي ناس باقيه
مابقيوش عليّا
حافظت علي مشاعرهم
ويجرّحوا فيّا
وان غابوا قلقي يزيد
و قلبهم ف القسوه شديد
ازاي انا باقيه لسه و براضيهم
والغدر زي الشمس باين ف عنيهم
وده مش جديد عليهم
مر الزمان عليّا
و هان حبّهم ليّا
والود صبح اسيّة
في الكدب استخبّوا
ولا فيش مرّة حسّوا
ولا مرّة حتى حبّوا
الكدب لعبه ما بين ايديهم
حتي الخداع ساكن عينيهم
ازاي يا ربي
لسه باقيه عليهم
فاضلي ايه معاهم
وايه اللي خدته من هواهم
غير جرح كبير
موش قادره اداويه
ومانيش عارفه ناويين علي ايه !
وليه انا هنت عليهم
وازاي بطيبة قلبي
أنا لسّه باقيه عليهم

صباح ابوالنور
24/3/2018