شئون عربية

معلومة في كبسولة .. تقدمها أمل الوكيل

مختطفبن مصريين في ليبيا ( الارشيف)

في شهر ديسمبر 2016 تم خطف 6 مصريين في ليبيا على إيد مسلحين هناك واللي طلبوا من أهالي المختطفين فدية مبلغ 70 ألف جنيه مقابل كل شخص للإفراج عنهم

وفاكرين الصور اللي اتنشرت للمخطوفين وهما متقلعه هدومهم ومربوطين بجنازير وعلى اجسامهم آثار تعذيب بشعة والخاطفين بيساوموا أهاليهم على الفدية وبيهددوهم انهم هيقتلوا ولادهم لو مدفعوش.

النهارده وبعد حوالي 4 شهور كامله من استغاثات أهالي المخطوفين بوزارة الخارجية المصرية وبكل الأجهزة الأمنية والمعنية وبعد ما حرروا محضر برقم 114 لسنة 2017 مفيش جديد.

اتذكر بمرارة هذا الحادث وانا اشوف صور أمير قطر وهو مستقبل الصيادين  الـ 26 المفرج عنهم من العراق بنفسه في المطار وبيسلم عليهم وبيطمن عليهم بنفسه . وان قطر دفعت مبلغ يتجاوز 500 مليون دولار تحت الترابيزة لاستعادة هؤلاء الصيادين بد اختطاف استمر 16 شهرا.

وكلنا شوفنا صور ترامب امبارح وهو مستقبل آيه حجازي وبنته إيفانكا وهي متصورة معاها وكاتبه عالصورة ” Welcome home, Aya ” بس لإنها معاها الباسبور الأمريكي اللي خرجها من سجن 3 سنين ظلم”.

اتعاطف مع صرخات أهالي المصريين المخطوفين في ليبيا واتحسر على حال جكومة أكبر دولة عربية وصاحبة أقدم حضارات العالم.

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.