كيف تحافظي على زوجك

كتبت ياسمين يحى

_زوجك لكى انتى لوحدك متتخليش عنه ل اى واحده تانيه عايزه تاخده منك بسهوله لمجرد أنك زهقتي من المحاولة معاه انه يبعد عنها ..
( ده طبعاً بالنسبه للرجاله اللي بتخون زوجاتها )
او عينهم زايغه شوية .. خليكي عارفة ان الراجل مهما بص بره ولا عرف حد غيرك مراته دي بتكون عنده حاجة تاني دي اللي تعب واشتغل وحارب عشان يوصلها .. عشان كده لو هو في وقت غلط وعرف غيرك حاربي الدنيا كلها عشان ترجعيه لحضنك
_اذا يأستى من تغير تصرفات زوجك فابدى بنفسك ان الله لا يغير ما بقوم حتى يغيرو ما بانفسهم ..
_كونى قويه وشوفي نفسك اهم امراه فى الكون متزعليش ولا تحزني علي حاجة وخليكي عارفة ان في طفل او ( اطفال ) انتى عالمهم
حولى اهتمامك من اي حاجة تضايقك الى اهتمامك بنفسك وفكرى فى نفسك فكلما اتجهتى نحو نفسك ذات جاذبيتك وثقى فى ذالك
_اذا ما اهتمتيش انتي بنفسك ازاي عايزة جوزك يهتم بيكي

_خليكي قوية مهما شوفتي متتهوريش في تصرفاتك ولا ردود أفعالك لأن اقل غلطة ممكن تسبب ليكي مشاكل كتير في حياتك الزوجية ..
– لو قررتي أنك تبعدي عن جوزك عشان في عيب معين .. متتصوريش انك تلاقي راجل تاني كامل كلهم فيهم أخطأ بس بنسب متفاوتة
_ الست اللي بتحب جوزها وتغير عليه بشكل مبالغ في ومعندهاش قواعد في علاقتها معاه بتخسره .. لكن اللي بتحب بعقل وثقة بتكسب جوزها
_ مهما كنتي تعبانة او مشغولة متقعديش مع جوزك أبدا وانتي لابسه لبس المطبخ وشغل البيت دائماً اهتمي بشكلك حتي لو بشكل هادي ولبس رقيق كده
_ لو جوزك بيخونك متروحيش تصراحيه وتعرفيه أنك عارفة لأن ده هيسبب أهانة ليكي .. وفي الحاله هيبقا متهور في تصرفاته ومش هيبعد عن اللي بيعمله طالما انتي كده كده عارفة وعايشة معاه وساكته ..
_لابد من تغير عبارات الحب لجوزك يعني لو بتقوليله حبيبى نوعى بين حبيبى وعمرى وقلبى و اي اسم دلع لي

_ من وقت للتاني اختاري كلمة تنادي عليه بيها حسسيه دايما ان كلامك بيتغير عشان اللي جواكي بيتغير ناحيته وكأن حبك لي بيبدأ من اول وجديد

_لو كنتى محتاجه حاجة من جوزك ادلعي كده وانتي بتطلبيها مش هيقدر يرفض طلبك وياريت بوسه مع الطلب هيبقا اهبل وهيوافق علي اي حاجة

_ لو جوزك مصرفش فلوسه عليكي اتاكدي انه هيصرفها علي غيرك يعني بلاش تفضلي تحرمي نفسك من حاجة وتقولي بوفرله
دايما امدحى نفسك ادامه يعني قولي رغم اني مخدتش شاور النهاردة لكن رايحه البرفيوم من امبارح موجودة وحاسه اني منتعشة أكذبي يعني

_ حبي جوزك ولو شيفاه في نظرك مش جذاب فهو جذاب في نظر ستات تاني

_دايما تغزلى فى شكل وملامح جوزك

_تذكرى ان الرجل شريك حياتك وليس حياتك كلها
_ان كنتى مع جوزك فى مركب وسط البحر قاعدين تحبو في بعض وفجاه ضربتها الامواج واهتز المركب هل هتكلمو حب في بعض.
طبعاً لا لانكما ممكن تغرقو ف خليكي عارفة ان انتى مركب جوزك واساس بيته وامانه وراحة باله فان حس معاكى بالامان وكنتى خلوقه وامينه وبتحبيه هيطمئن وهيفضل الحب بينكم موجود ولكن العبيها بذكاء.
_ متسمحيش لجوزك يشتمك او يغلط فيكي او يهينك با اي شكل من الاشكال .. ومتحسسيهوش انك هتموتي من غيره لا دايما بتصرفاتك خليه هو اللي يحس انه هيخسر لو بعدتي عنه
_الرجالة كلهم مبيحبوش المراه اللي شخصيتها ضعيفه .